ბორჯომის კულტურისა და ხელოვნების ცენტრთან არსებული ქორეოგრაფიული ანსამბლები „ფერხისი“ და „იმედი“ ბულგარეთში, ქალაქ ვარნაში გამართული ფესტივალის გამარჯვებულები არიან. ამის შესახებ ინფორმაციას ბორჯომის მერია ავრცელებს.

მათი ცნობით, ფესტივალ-კონკურსში ანსამბლებმა პირველი ადგილი დაიკავეს. ორივე ბულგარეთში, კომპანიებმა “MAGICGROUP”-მა და “ART FEST ASSOCIATION “-მა მიიწვიეს.

„ფერხისს" სამახსოვრო დიპლომებსა და მედლებთან ერთად, ფულადი ჯილდოც გადაეცა და ბულგარეთში, მომავალ წელს დაგეგმილ ფესტივალზე მონაწილეობის მისაღებად კვლავ მიიწვიეს. ანსამბლ ,,ფერხისს" ქორეოგრაფი ნინო მდივნიშვილი ხელმძღვანელობს, ხოლო ,,იმედს" - თეა გაბელაია.

ბორჯომის მუნიციპალიტეტის მერია ულოცავს ორივე ანსამბლს და მათ ხელმძღვანელებს გამარჯვებას და მომავალში წარმატებებს უსურვებს“, - ნათქვამია ინფორმაციაში.