ბოლივიაში გადატრიალების მცდელობა ჩაიშალა

ბოლივიის პოლიციამ ქვეყანაში გადატრიალების მოწყობის მცდელობის ლიდერი, გენერალი ხუან ხოსე ზუნიგა დააკავა მას შემდეგ, რაც ჯარისკაცები, მისი ხელმძღვანელობით, დედაქალაქ ლა პასში, პრეზიდენტის სასახლე შეიჭრნენ.

ხუან ხოსე ზუნიგამ განაცხადა, რომ მას სურდა დემოკრატიის რესტრუქტურიზაცია და რომ ხელისუფლების ცვლილება მოხდებოდა.

პრეზიდენტმა ლუის არსემ დაგმო გადატრიალების მცდელობა და საზოგადოებას დემოკრატიის სასარგებლოდ ორგანიზებისა და მობილიზებისკენ მოუწოდა.

”ჩვენ ვერ დავუშვებთ გადატრიალების მცდელობამ კიდევ ერთხელ შეიწიროს ბოლივიელთა სიცოცხლე,” - თქვა მან სატელევიზიო მიმართვაში.

მისმა სიტყვებმა რეზონანსი გამოიწვია და დემოკრატიის მომხრე დემონსტრანტები ქუჩებში ხელისუფლების მხარდასაჭერად გამოვიდნენ.

გარკვეული პერიოდის შემდეგ სამხედროებმა პრეზიდენტის სასახლიდან უკან დახევა დაიწყეს და მის წინ მოედანი პრეზიდენტის მხარდამჭერებმა დაიკავეს.

ხუან ხოსე ზუნიგას დაკავების შემდეგ პროკურატურამ სისხლის სამართლის საქმე აღძრა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო