ნიდერლანდების ახალმა მთავრობამ ფიცი დადო

დღეს, ჰააგაში, ნიდერლანდების ახალმა მთავრობამ ნიდერლანდების მეფის, ვილემ-ალექსანდერის წინაშე ფიცი დადო.

ნიდერლანდების მემარჯვენე მთავრობას დიკ სხოოფი უხელმძღვანელებს, რომელმაც პრემიერ-მინისტრის თანამდებობაზე მარკ რუტე შეცვალა.

67 წლის დიკ სხოოფი წარსულში ნიდერლანდების სადაზვერვო სააგენტოს ხელმძღვანელობდა და იუსტიციის სამინისტროში მაღალ თანამდებობას იკავებდა.

ნიდერლანდების საგარეო საქმეთა მინისტრის თანამდებობა კასპარ ველდკამპმა დაიკავა, ხოლო თავდაცვის მინისტრი რუბენ ბრეკელმანსი გახდა.

მოსალოდნელია, რომ სხოოფი და მისი გუნდი მთავრობის დეტალურ გეგმებს სექტემბრისთვის წარადგენენ.

შეგახსენებთ, გასული წლის ნოემბერში გამართულ საპარლამენტო არჩევნებში ხეერტ ვილდერსის თავისუფლების პარტიამ (PVV) გაიმარჯვა. თავად ვილდერსმა ნიდერლანდების პრემიერ-მინისტრის თანამდებობის დაკავებაზე უარი თქვა და სამ სხვა კონსერვატიულ პარტიასთან მოლაპარაკებების შედეგად კოალიციური მთავრობა დამოუკიდებელ კანდიდატზე, დიკ სხოოფზე შეჯერდა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი