ირმა კოდუა - M&I ფორუმი ნამდვილად სანატრელი იყო ქართული MICE ტურიზმის ინდუსტრიისთვის

m&i Tbilisi 2024 ფორუმის მონაწილე და Grata DMC-ის დამფუძნებელი ირმა კოდუა ფორუმის თბილისში ჩატარებას საქმიანი ტურიზმის სექტორისთვის მნიშვნელოვან ღონისძიებად აფასებს.

მისი თქმით, „ეს ღონისძიება ნამდვილად სანატრელი იყო ქართული MICE ტურიზმის ინდუსტრიისთვის“.

„M&I ფორუმები ძალიან მნიშვნელოვანია საქმიანი ინდუსტრიის სფეროში. ეს ღონისძიება ნამდვილად სანატრელი იყო ქართული MICE ტურიზმის ინდუსტრიისთვის, რადგან ჩამოვიდა 100-მდე მყიდველი რომელიც დაინტერესებულია საქართველოთი და მიაჩნია რომ ეს მიმართულება ჯერ კიდევ შეუფასებელია, ძალიან საინტერესოა მათთვის, რომ აღმოაჩინონ საქართველო და ამ ქვეყნის შესაძლებლობები. მონაწილეები აღფრთოვანებულნი არიან იმ სასტუმროების ხარისხით და სიმრავლით რომლებიც ჩვენ გაგვაჩნია. ევროპელი მყიდველებისთვის საქართველო აღმოჩნდა საკმაოდ პოზიტიური მიმართულება, აღნიშნავენ რომ საქართველოს აქვს საკმაოდ დიდი პოტენციალი საქმიანი ტურიზმის მოზიდვის მიმართულებით“, - განაცხადა ირმა კოდუამ.

ტურიზმის ეროვნული ადმინისტრაციის ინფორმაციით, m&i Tbilisi-ის ფორუმი საქართველოს ტურიზმის ეროვნული ადმინისტრაციის საკონვენციო და საგამოფენო ბიუროს ორგანიზებით გაიმართა, რომლის ფარგლებში საქართველოს ევროპიდან 65 პოტენციური დამკვეთი ეწვია. ასევე, მსოფლიოს სხვადასხვა ქვეყნიდან, ტურიზმის სფეროში მოღვაწე, კერძო სექტორის სერვისის მიმწოდებელი, 60 საერთაშორისო კომპანიის წარმომადგენელი.

„m&i Tbilisi-ის ფორუმის ფარგლებში 150-მდე პოტენციურ დამკვეთს და სერვისის მიმწოდებელ კომპანიებს შესაძლებლობა ჰქონდა გასცნობოდნენ საქართველოს ტურისტულ ინფრასტრუქტურას და საქმიანი ტურიზმის პოტენციალს.

m&i ფარგლებში 83 სერვისის მიმწოდებელმა ადგილობრივმა და საერთაშორისო კომპანიამ, B2B ფორმატში, 3 დღის განმავლობაში 40-მდე შეხვედრა გამართა პოტენციურ დამკვეთებთან“,- ნათქვამია გავრცელებულ ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია