მეგობრობის ხელს ყველას გავუწვდით, - ამის შესახებ ირანის ახლადარჩეულმა პრეზიდენტმა, მასუდ პეზეშკიანმა საპრეზიდენტო არჩევნების მეორე ტურში გამარჯვების შემდეგ განაცხადა.

„მეგობრობის ხელს ყველას გავუწვდით. ჩვენ ყველანი ამ ქვეყნის ხალხი ვართ. ქვეყნის წინსვლისთვის ყველა უნდა გამოვიყენოთ“, - განაცხადა პეზეშკიანმა.

შეგახსენებთ, გუშინ, ირანში გამართულ საპრეზიდენტო არჩევნების მეორე ტურში რეფორმისტმა კანდიდატმა, მასუდ პეზეშკიანმა რეჟიმის მხარდამჭერი და ირანის ეროვნული უშიშროების უმაღლესი საბჭოს ყოფილი მდივანი, საიდ ჯალილი დაამარცხა.