„წისქვილმა“ რიგით მერვე რესტორანი „წისქვილი ტერასა“ გახსნა

„წისქვილი ჯგუფმა“ თბილისში, ზვიად გამსახურდიას სანაპიროზე, N80-ში რიგით მე-8 რესტორანი – „წისქვილი ტერასა“ გახსნა, რომელიც სტუმრებს უკვე დღეიდან უმასპინძლებს. ის განსხვავებული დიზაინისა და კონცეფციის რესტორანია და აერთიანებს დარბაზს, ტერასას, ვიტრაჟულ დარბაზსა და ორ დახურულ სივრცეს.

„წისქვილი ტერასას“ მთლიანი ტერიტორია 1800 კვადრატული მეტრია, საიდანაც 800 კვადრატული მეტრი გამწვანებულ ტერასას უკავია. ტერასაზე განთავსებულია ღია საზაფხულო ბარი და სცენა. აქ მოსულ სტუმრებს, ასევე, შესაძლებლობა ექნებათ დატკბნენ თბილისური ხედებით.

ახალ ფილიალში მოწყობილია სხვადასხვა ტიპის ღია სამზარეულოები, სადაც მომზადდება როგორც „წისქვილის“ ქართული ტრადიციული კერძები, ისე რესტორნის ბრენდ შეფის, ალექს ნათაძის საავტორო და სეზონური კერძები. რესტორანში სტუმრებს დახვდებათ გრილის მრავალფეროვანი მენიუც.

„წისქვილი“ უკვე 22 წელია, პრემიუმ კლასის სარესტორნო მიმართულების ლიდერია საქართველოში. ამ მაღალი სტანდარტის შესანარჩუნებლად ჩვენი გუნდი მუდმივად ამუშავებს ახალ კონცეფციებს და ქმნის განსხვავებულ სავახშმო გამოცდილებებს. „წისქვილი ტერასა“ დიდი შრომით შექმნილი მორიგი პროექტია, რომელიც დარწმუნებული ვარ, მალევე დაიმსახურებს მომხმარებლების განსაკუთრებულ სიყვარულს“, – ამბობს „წისქვილი ჯგუფის“ გენერალური დირექტორი, გიორგი შველიძე.

„წისქვილის“ პირველი რესტორანი „ეთნო წისქვილი“ 2002 წელს გაიხსნა. დღეს ის ქართული ტრადიციული რესტორნების ყველაზე მსხვილი ქსელია საქართველოში და აერთიანებს თბილისსა და მის შემოგარენში მდებარე 8 რესტორანს – „ეთნო წისქვილს“, „ლუდის მოედანს“, „ღვინის ეზოს“, „წისქვილს მცხეთაში“, „წისქვილს ვაკეში“, „წისქვილს წყნეთში“ და „წისქვილი ტერასას“. გარდა ამისა, კომპანიის მფლობელობაშია მულტიფუნქციური სივრცე „თეატრი“ და პრემიუმ პროდუქტების ორი მარკეტი „წისქვილი ბაზარი“.

(R)

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის