ქართული თეატრისა და კინოს მსახიობს ქეთევან კიკნაძეს 12 ივლისს, დიდუბის მწერალთა და საზოგადო მოღვაწეთა პანთეონში დაკრძალავენ. ამის შესახებ ინფორმაციას მარჯანიშვილის თეატრი სოციალურ ქსელში ავრცელებს.

როგორც მარჯანიშვილის თეატრის მიერ გავრცელებულ ინფორმაციაშია აღნიშნული, მსახიობ ქეთევან კიკნაძის სამოქალაქო პანაშვიდი 12 ივლისს, 12:00 საათიდან, მარჯანიშვილის თეატრში გაიმართება.

„85 წლის ასაკში გარდაიცვალა ქართული თეატრისა და კინოს გამორჩეული მსახიობი, საქართველოს სახალხო არტისტი, შოთა რუსთაველის სახელობის პრემიის ლაურეატი ქეთევან კიკნაძე.

მარჯანიშვილის თეატრი მწუხარებას გამოთქვამს ქალბატონი ქეთევან კიკნაძის გარდაცვალების გამო და უსამძიმრებს მის ოჯახსა და თეატრალურ საზოგადოებას!

ქეთევან კიკნაძის პანაშვიდები გაიმართება 10 და 11 ივლისს!

მისამართი: პაოლო იაშვილის ქუჩა #7, (სოლოლაკი)

სამოქალაქო პანაშვიდი - 12 ივლისს, მარჯანიშვილის თეატრში 12:00 საათიდან!

გამოსვენება 15:00 საათზე!

დაკრძალვა დიდუბის მწერალთა და საზოგადო მოღვაწეთა პანთეონში”, - ნათქვამია ინფორმაციაში.