აშშ-ის ყოფილი პრეზიდენტი, დონალდ ტრამპი ვისკონსინის შტატის ქალაქ მილუოკიში მიმდინარე „რესპუბლიკური პარტიის“ ეროვნულ ყრილობაზე შეხვეული ყურით მივიდა.

ეს პირველი შემთხვევაა, როცა ის საჯარო ღონისძიებაზე გამოჩნდა შაბათს, პენსილვანიის შტატში ამომრჩევლებთან შეხვედრის დროს მომხდარი სროლის შემდეგ, რის შედეგადაც დაშავდა.

ტრამპის გამოჩენას „რესპუბლიკელი“ მხარდამჭერების მხრიდან ოვაციები და შეძახილები მოჰყვა. ისინი მაღლა აწეული შეკრული მუშტებით სკანდირებდნენ : „აშშ“, "ბრძოლა! ბრძოლა! ბრძოლა!”.