ავტო დაზღვევა არის ფინანსური პროდუქტი, რომელიც უზრუნველყოფს მოძრავი ქონების მესაკუთრის ფინანსურ დაცვას, ის ზიანის შემთხვევაში უზრუნველყოფს ავტომობილის შეკეთებას, ხოლო სრული განადგურებისას ჩანაცვლებას, - ამის შესახებ საქართველოს სადაზღვევო ჯგუფის უფროსმა სადაზღვევო მენეჯერმა, ირაკლი ჯინჭარაძემ განაცხადა.

ჯინჭარაძის განცხადებას საქართველოს სადაზღვევო ჯგუფი ავრცელებს.

როგორც ინფორმაციაშია აღნიშნული, ჯინჭარაძის თქმით, თანამედროვე მსოფლიოში, სადაც ავტომობილები ჩვენი ყოველდღიური ცხოვრების განუყოფელი ნაწილია ავტო დაზღვევის პრიორიტეტების შესახებ ცოდნა მნიშვნელოვანია.

„საბაზისო ფინანსური დაცვა - ავტო დაზღვევის ძირითადი დანიშნულებაა დამზღვევის ფინანსური დაცვა. მცირე ოდენობის სადაზღვევო პრემიის განვადებით გადახდის სანაცვლოდ ის უდანაკარგოდ აღადგენს დაზღვეულ ავტომობილს დაზიანების ან ავარიისას, ან ანაცვლებს ღირებული ანალოგით სრული ზიანისას (განადგურება).

თუმცა მხოლოდ ავტო დაზღვევით სარგებლობა ფინანსური დაცვის ნახევარი სიკეთით სარგებლობის ტოლფასია, აქვე „მკაცრად რეკომენდებულია“ ქვემომოყვანილი დაზღვევების შეძენა.

მესამე პირის დაზღვევა - ავტომფლობელის მესამე პირის წინაშე პასუხისმგებლობის დაზღვევა პრაქტიკულად ყველა ქვეყანაში სავალდებულოა. მალე, საქართველოც ასეთი ქვეყნების ჩამონათვალს შეუერთდება, თუმცა მანამდე ჯობს თქვენი სურვილით შეიძინოთ და ამ ტიპის განსაცდელსაც მომზადებული დახვდეთ. არცთუ იშვიათად სხვაზე მიყენებული ზიანი მნიშვნელოვნად ამეტებს თქვენივე ავტომობილის შეკეთების ხარჯებს.

სამედიცინო ხარჯების დაფარვა - მძღოლისა და მგზავრების ჯანმრთელობის დაზღვევა უზრუნველყოფს მგზავრების ჯანმრთელობის ხარჯების ანაზღაურებას ავტოსაგზაო შემთხვევის დროს.

ეს სამი ტიპის დაზღვევა კომპლექსურად ამოწურავს ყველა ფინანსურ საზრუნავს ავარიის დროს.

მშვიდი ცხოვრება - დაზღვევის მრავალწლიანმა ისტორიამ და დაკვირვებამ ცხადყო, რომ დაზღვეული ადამიანი, როგორც წინდახედულობის საუკეთესო ნიმუში, არამარტო მშვიდად გრძნობს თავს შესაძლო მოულოდნელობებისგან, არამედ როგორც პასუხისმგებლობიანი პიროვნება მეტად იცავს წესებს და უფრთხილდება როგორც თავის ასე სხვის ქონებას. დაზღვევა როგორც ინსტრუმენტი, საშუალებას გვაძლევს მივესწრაფოთ დაცული და ჰარმონიული სამყაროსკენ.

მხოლოდ წინდახედული ადამიანი ირჩევს იმ თარგზე შეკერილ დაზღვევას, რომელიც აუცილებელია და საკმარისი მისი ცხოვრების პარამეტრებიდან გამომდინარე, თუმცა რელევანტური დაზღვევის გარეშე რომ ცხოვრება დაუშვებელია დიდი ხანია პრაქტიკამ და ცივილური სამყაროს გამოცდილებამ დაადასტურა. ამიტომ, მოაქციეთ თქვენი მომავალი საიმედო ხელში“,- განაცხადა ირაკლი ჯინჭარაძემ.