აშშ-ის პრეზიდენტი, ჯო ბაიდენი იმედს გამოთქვამს, რომ, „ჰამასის“ ლიდერის მკვლელობის გამო გაჟღერებული მუქარის მიუხედავად, ირანი ისრაელთან ესკალაციაზე არ წავა.

ჟურნალისტების შეკითხვაზე, დაიხევს თუ არა ირანი უკან ისრაელზე დარტყმის გეგმასთან დაკავშიირებით, აშშ-ის პრეზიდენტმა უპასუხა: "ვიმედოვნებ. არ ვიცი ”.

ახლო აღმოსავლეთის რეგიონში დაძაბულობა ბეირუთში „ჰეზბოლას“ მეთაურის, ფუად შუკრისა და თეირანში „ჰამასის“ ლიდერის, ისმაილ ჰანიეს მკვლელობის შემდეგ გაიზარდა.

ირანი და „ჰამასი“ ჰანიეს მკვლელობაში ისრაელს ადანაშაულებენ და „ჰეზბოლასთან“ ერთად შურისძიების პირობას დებენ.