პოლიტსაბჭოს სხდომაზე პარტიის "ახალი" სახელი განისაზღვრა - „კოალიცია ცვლილებისთვის - გვარამია, მელია, გირჩი, დროა”.

პარტია „ახალის“ პრესსამსახურის ცნობით, პოლიტსაბჭოს სხდომაზე პოლიტსაბჭოს თავმჯდომარის მოადგილეებად, ანა გოგოლაძე და ანი ქავთარაძე დამტკიცდა.

„დღეს, 4 აგვისტოს, პარტია „ახალის“ პოლიტსაბჭოს სხდომა გაიმართა, რომელზეც პოლიტსაბჭოს თავმჯდომარის მოადგილეებად ანა გოგოლაძე და ანი ქავთარაძე დაამტკიცეს.

ასევე, პოლიტსაბჭოს გადაწყვეტილებით ქალთა ორგანიზაცია შეიქმნა, რომლის თავმჯდომარედ აირჩა ანა გოგოლაძე და პარტიის რიგგარეშე ყრილობა გაიმართა. პარტიის ახალი სახელი განისაზღვრა - „კოალიცია ცვლილებისთვის - გვარამია, მელია, გირჩი, დროა”, - აღნიშნულია პარტიის პრესსამსახურის მიერ გავრცელებულ განცხადებაში.