ბოლნისის მუნიციპალიტეტის მერიის ინფორმაციით, სოფელ მუშევანში სასმელი წყლის ქსელის მოწყობის სამუშაოები აქტიურად მიმდინარეობს.

როგორც მათ მიერ გავრცელებულ ინფორმაციაშია აღნიშნული, ბოლნისის მუნიციპალიტეტის მერმა, დავით შერაზადიშვილმა ადგილობრივი თვითმმართველობის წარმომადგენლებთან ერთად, სოფელ მუშევანში სასმელი წყლის შიდა ქსელის მოწყობის სამუშაოები დაათვალიერა.

„პროექტის ფარგლებში, 4800 გრძივი მეტრის ქსელი მოეწყობა და სასმელი წყლის პრობლემა, საბოლოოდ, 105 ოჯახს მოუგვარდება.

პროექტი ადგილობრივი ბიუჯეტის დაფინანსებით ხორციელდება, რომლის ღირებულება 173 142 ლარს შეადგენს. სამუშაოები ინტენსიურად მიმდინარეობს და აგვისტოს ბოლოს დასრულდება“, - ნათქვამია ინფორმაციაში.