პოლიტიკური გაერთიანება „კოალიცია ცვლილებისთვის - გვარამია, მელია, „გირჩი“, „დროას’’ ხონის ოფისი გაიხსნა. ინფორმაციას პარტიის პრესსამსახური ავრცელებს.

მათივე ცნობით, ელენე ხოშტარიამ და ზურაბ გირჩი ჯაფარიძემ ხაზი გაუსვეს ისეთ პრიორიტეტულ საკითხებს, როგორებიცაა პრეზიდენტის „ქართული ქარტია“, თანამედროვე განათლება, რეგიონების გაძლიერება და შესაძლებლობების ეკონომიკა, ასევე, ისაუბრეს ადგილობრივ პრობლემებზე.

„ხონი არის ადგილი, რომელსაც საერთოდ არანაირი ეკონომიკური პრობლემა არ უნდა ჰქონდეს. ის არის ძალიან ახლოს ქუთისის აეროპორტთან, აქვე არის კანიონები, ულამაზესი ტურისტული ადგილები, მაგრამ, დღეს, ხონში ზოგადი უპერსპექტივობიდან გამომდინარე, ადამიანების წარმოუდგენელი რაოდენობა გასულია ემიგრაციაში. თვალსაჩინოა დაცარიერებელი სახლები. ეს არის რეგიონების ტიპური მდგომარეობა, ოღონდ ხონს განსაკუთრებული ადგილი აქვს. მას დიდი პოტენციალი აქვს, მათ შორის, საკუთარი მდებარეობის გამო. აქ ყველას ესმის, რომ საქართველოს გადარჩენა ახლა არის 26 ოქტომბერს ცვლილებისთვის ხმის მიცემა, ამ ხელისუფლების გადარჩევა და ევროპული დღის წესრიგში დაბრუნება, რაც ყველა იმ სიკეთეს მოგვცემს, რაც ევროპას გააჩნია“,- განაცხადა ხოშტარიამ.

„კოალიცია ცვლილებისთვის - გვარამია, მელია, „გირჩი“, „დროა“ დღეს, ასევე, საარჩევნო შტაბებს ვანსა და სამტრედიაში გახსნიან.