სილქნეტის აბონენტები ყველაზე სწრაფი მობილური ინტერნეტით სარგებლობენ, როგორც ქალაქ ქუთაისში, ისე მთლიანად იმერეთის რეგიონში. კომუნიკაციების კომისიამ, ივლისის განმავლობაში, მობილური ოპერატორების ქსელის ხარისხის მონიტორინგი რეგიონის მასშტაბით ჩაატარა. კვლევით დადგინდა, რომ:

იმერეთში მობილური ინტერნეტით გადმოწერის სიჩქარე:

სილქნეტი 50.5 მბიტ/წმ;

მაგთიკომი 28.5 მბიტ/წმ;

სელფი 9.4 მბიტ/წმ

ქუთაისში მობილური ინტერნეტით გადმოწერის სიჩქარე:

სილქნეტი 50.0 მბიტ/წმ;

მაგთიკომი 35.9 მბიტ/წმ;

სელფი 10.5 მბიტ/წმ

სილქნეტის უპირატესობა გამოვლინდა მობილური ინტერნეტით ატვირთვის სიჩქარეზეც, ქუთაისშიც (23,8 მბიტ/წმ) და მთლიანად რეგიონში (17.2 მბიტ/წმ).

2024 წლის დასაწყისიდან, კომპანიამ ქვეყნის მასშტაბით 25-მდე ლოკაციაზე მოაწყო ახალი საბაზო სადგურები, მათ შორის – იმერეთის ცალკეულ დასახლებულ პუნქტებში. კერძოდ, მომხმარებელი მაღალი ხარისხის სერვისს უკვე იღებს სოფლებში: დიმი (ბაღდათის რ-ნი), ჩხენიში (სამტრედიის რ-ნი), ნავენახევი და ვარდიგორა (თერჯოლის რ-ნი).

წლის ბოლომდე სილქნეტის ქსელს ახალი სადგურები დაემატება, ტექნოლოგიურად განახლდება სიხშირული ზოლი. ქუთაისში, დაფარვის გასაუმჯობესებლად, მოეწყობა ახალი მიკრო სადგურები. ასევე, იმერეთში, კიდევ რამდენიმე დასახლებულ პუნქტში ამოქმედდება საბაზო სადგურები, მათ შორის: ზოდში, ქორეთში, ბზვანსა და ქუთაისის შემოვლით ავტობანის მონაკვეთზე.

სილქნეტის ბრენდი მეორე ათეული წელია საქართველოს სატელეკომუნიკაციო ბაზრის ლიდერია. კომპანია მუდმივ ზრდასა და განვითარებაზეა ორიენტირებული, რისთვისაც მილიონობით დოლარის ინვესტიციას დებს ინფრასტრუქტურის გასაფართოებლად და უახლესი ტექნოლოგიის დასანერგად. სილქნეტის ქსელი ლიდერის პოზიციას ინარჩუნებს ქსელის ხარისხისა და მობილური ინტერნეტის არაერთი პარამეტრით, როგორც საქართველოს კომუნიკაციების კომისიის რეგულარული მონიტორინგის შედეგებით, ისე – საერთაშორისო ანალიტიკური პლატფორმების ანგარიშების მიხედვით.

(R)