Bild - გერმანიაში, შესაძლო დივერსიის გამო ნატო-ს საჰაერო ბაზა დახურეს
გერმანიაში, შესაძლო დივერსიის გამო ნატო-ს საჰაერო ბაზა დახურეს. ამის შესახებ ინფორმაციას გერმანული გამოცემა Bild-ი ავრცელებს.
გამოცემის ცნობით, საქმე სასმელი წყლის დაბინძურებას ეხება, რის გამოც ქალაქ გეილენკირხენში მდებარე ნატო-ს საჰაერო ბაზის დახურვა საჭირო გახდა.
შემთხვევის ადგილზე გამოძიება მიმდინარეობს და გავრცელებული ინფორმაციით, ერთი პირი დააკავეს.
მანამდე, გერმანულმა მედიამ ინფორმაცია გაავრცელა, რომ აღნიშნული შემთხვევის მსგავსად, სასმელი წლის დაბინძურების გამო, ქალაქ კელნის მახლობლად მდებარე სამხედრო ყაზარმებიც დახურეს.
