არგენტინაში ტერორისტული დაჯგუფების წევრები დააკავეს, რომლებიც ებრაულ თემზე თავდასხმებს გეგმავდნენ, - ამის შესახებ ინფორმაციას არგენტინის უშიშროების სამინისტრო ავრცელებს.

არგენტინის უშიშროების სამინისტროს ცნობით, პოლიციამ ტერაქტები ქალაქ მენდოსაში აღკვეთა და „ისლამისტური ტერორისტული ორგანიზაციის“ შვიდი წევრი დააკავა.

დაკავებულების სახლებში ჩატარებული ჩხრეკის შედეგად, პოლიციამ ცეცხლსასროლი იარაღები, დანები და ელექტრონული მოწყობილობები ამოიღო.