საკონსტიტუციო უმრავლესობა ქვეყნის უსაფრთხოების, კეთილდღეობისა და სტაბილურობის პირდაპირ პროპორციულია - 26 ოქტომბრის არჩევნებში დიდი უპირატესობით გამარჯვება რეალობაა, თუმცა ჩვენი ამბიცია საკონსტიტუციო უმრავლესობის მოპოვებაა! - ეს განცხადება მედიასთან უმრავლესობის დეპუტატმა რატი იონათამიშვილმა გააკეთა.

იონათამიშვილის მტკიცებით, „ქართული ოცნების“ მხარდაჭერა 60%-ია და ის რადიკალური ოპოზიციის ერთად აღებულ რეიტინგს სამჯერ აღემატება.

გარდა ამისა, როგორც იონათამიშვილმა აღნიშნა, მნიშვნელოვანია, "ნაციონალურ მოძრაობას" და კრებით რადიკალურ ოპოზიციას თავისი სახელი სამართლებრივადაც დაერქვას.

"ნაციონალური მოძრაობა" ქვეყანას ხელისუფლებაში ყოფნის დროსაც ღალატობდა და ოპოზიციაშიც მხოლოდ საქართველოს ღალატით არის დაკავებული - ამ პარტიას ჩაგვრის, ძალადობის, უსამართლობის და აგენტურული საქმიანობის გარდა არაფერი უკეთებია.

ამიტომ მნიშვნელოვანია, "ნაციონალურ მოძრაობას" და კრებით რადიკალურ ოპოზიციას თავისი სახელი სამართლებრივადაც დაერქვას", - განაცხადა რატი იონათამიშვილმა.