ამერიკელმა სამხედროებმა სირიაში „ალ-ქაიდასთან“ დაკავშირებული დაჯგუფების ლიდერის ლიკვიდაცია განახორციელეს, - ამის შესახებ ინფორმაციას აშშ-ის ცენტრალური სარდლობა ავრცელებს.

აშშ-ის ცენტრალური სარდლობის ცნობით, დრონის გამოყენებით განხორციელებული დარტყმის სამიზნეს დაჯგუფება „ჰურას ალ-დინის“ ლიდერი, აბუ-აბდ ალ-რაჰმან ალ-მაკი წარმოადგენდა.

ამერიკელმა სამხედროებმა დარტყმა იდლიბის პროვინციის ჯაბალ ალ-ზავიას რაიონში მაშინ განახორციელეს, როდესაც ალ-მაკი მოტოციკლით გადაადგილდებოდა.