ჩვენ გვაქვს ჩვენი კურსი - არ გაგვიხსნიან მოლაპარაკებებს წელს? - გაგვიხსნიან მომავალ წელს! - ამის შესახებ "ქართული ოცნების" დეპუტატმა, ირაკლი კირცხალიამ ჟურნალისტებთან საუბრისას განაცხადა.

მისივე თქმით, "ქართული ოცნება" ქვეყნის ინტერესებიდან გამომდინარე მოქმედებს.

"ქართული ოცნებას" დაჰყავს თავისი ქვეყანა, პირველ რიგში, თავისი ინტერესებიდან გამომდინარე. პირველ რიგში, ჩვენი ინტერესია, რომ როდესაც ასეთი ცეცხლია ჩვენს ირგვლივ, არა მარტო რეგიონში, არამედ მსოფლიოში, ჩვენმა ქვეყანამ შეინარჩუნოს მშვიდობა. რაც შეეხება ევროინტეგრაციის გზას - შეგახსენებთ, რა მოხდა "ქართული ოცნების" პირობებში, როგორ ვიარეთ და სად ვართ დღეს. მოგახსენებთ ვიზალიბერალიზაციას, თავისუფალ ვაჭრობას, კანდიდატის სტატუსს, რომელიც სამწუხაროდ, თავის დროზე, როცა ჩვენ გვეკუთვნოდა, სუფთა პოლიტიკური გადაწყვეტილების კუთხით, არ მოგვანიჭეს, მაგრამ ერთი წლის მოგვიანებით მოგვანიჭეს. ახლა საუბარია მოლაპარაკების გახსნაზე. კი ბატონო, დაველოდებით. არ გაგვიხსნიან წელს? გაგვიხსნიან მომავალ წელს. ჩვენ გვაქვს ჩვენი კურსი. პირველ რიგში, ეს არის ეროვნული კურსი და კიდევ ერთხელ ვიმეორებ - მშვიდობით, ღირსებით და კეთილდღეობით ევროპისკენ! დამერწმუნეთ, რომ ევროკავშირში არავის უნდა ეკონომიკურად დანგრეული ქვეყანა“, - განაცხადა კირცხალიამ.