ისრაელის თავდაცვის ძალების შტაბის უფროსის, გენერალ-ლეიტენანტ ჰერცი ჰალევის განცხადებით, „ჰეზბოლას“ შესვენების საშუალებას არ მისცემენ და ისრაელელი სამხედროები ლიბანში მოქმედებებს დააჩქარებენ.

„ჰეზბოლას“ არ უნდა მიეცეს შესვენება. უნდა გავაგრძელოთ მუშაობა მთელი ძალით. დავაჩქარებთ შეტევითი ოპერაციებს დღეს. სიტუაცია მოითხოვს ინტენსიური მოქმედებების გაგრძელებას მთელ ფრონტზე“, - აღნიშნა ჰალევიმ.

ლიბანის ჯანდაცვის სამინისტროს ინფორმაციით, გუშინ და დღეს ისრაელის საჰაერო იერიშების შედეგად დაღუპულთა რაოდენობა 558-მდე გაიზარდა. ისრაელის თავდაცვის ძალების განცხადებით, დღეს, „ჰეზბოლამ“ ლიბანიდან ისრაელის მიმართულებით 100-ზე მეტი რაკეტა გაუშვა.