ჯონ კირბი - თელ-ავივზე „ჰეზბოლას“ სარაკეტო იერიში შემაშფოთებელია
თელ-ავივზე „ჰეზბოლას“ სარაკეტო იერიში შემაშფოთებელია. ამის შესახებ თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.
„ეს ღრმად შემაშფოთებელია და კიდევ ერთხელ, იმის დასტურია, რომ ისრაელი ირანის მიერ მხარდაჭერილი ტერორისტული დაჯგუფების მხრიდან მომდინარე ლეგიტიმური საფრთხის წინაშე დგას“, - განაცხადა ჯონ კირბიმ.
შეგახსენებთ, დღეს „ჰეზბოლამ“ განაცხადა, რომ ცენტრალურ ისრაელზე განხორციელებული სარაკეტო იერიშის სამიზნე თელ-ავივის მახლობლად მდებარე ისრაელის სადაზვერვო სააგენტოს, „მოსადის“ შტაბ-ბინა იყო.
