გერმანიის მხრიდან ოლაფ შოლცსა და ვლადიმერ პუტინს შორის სატელეფონო საუბრის გამართვის თხოვნა არ ყოფილა, - ამის შესახებ კრემლის პრესმდივანმა, დიმიტრი პესკოვმა ბრიფინგზე განაცხადა.

დიმიტრი პესკოვმა გერმანულ მედიაში გავრცელებულ ინფორმაციასთან დაკავშირებით დასმულ შეკითხვას უპასუხა, რომლის მიხედვითაც ოლაფ შოლცი „დიდი ოცეულის“ სამიტის წინ ვლადიმერ პუტინთან სატელეფონო საუბარს გეგმავს.

„არა, მათ არ უთხოვიათ“, - განაცხადა პესკოვმა.

პესკოვმა აღნიშნა, რომ 2022 წლის დეკემბრის შემდეგ ვლადიმერ პუტინს ოლაფ შოლცთან კონტაქტი არ ჰქონია.

„როგორც ასეთი, საერთო თემები არ არსებობს, ჩვენი ურთიერთობები პრაქტიკულად ნულამდეა დაყვანილი და ჩვენი ინიციატივით არა“, - აღნიშნა კრემლის პრესმდივანმა.