რუსულმა ძალებმა დღეს დილით ხარკოვის ოლქის ქალაქი კუპიანსკი დაბომბეს, რის შედეგადაც ორი მშვიდობიანი მოქალაქე დაიღუპა, - ინფორმაციას უკრაინული მედია ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.

მათივე ინფორმაციით, დარტყმა ადგილობრივ ბაზართან და მაღაზიასთან ახლოს განხორციელდა. ამ დროისთვის არსებული მონაცემებით დაიღუპა ორი ადამიანი და დაშავდა კიდევ სამი მოქალაქე.

„ადგილზე საგანგებო სიტუაციის სამსახურების წარმომადგენლები მუშაობენ, მიმდინარეობს მონაცემების განახლება“, - აღნიშნა ოლეგ სინეგუბოვმა.