NDI-ის დამკვირვებელთა ჯგუფებმა მნიშვნელოვანი და სერიოზული დარღვევები დააფიქსირეს, მათ შორის იყო ძალადობა, ბიულეტენების ჩაყრა, - ამის შესახებ ევროკავშირის დელეგაციის ყოფილმა ხელმძღვანელმა საქართველოში, პერ ეკლუნდმა განაცხადა.

მან 26 ოქტომბრის არჩევნები შეაფასა და აღნიშნა, რომ წინასაარჩევნო პერიოდმაც ვერ მოახერხა დემოკრატიის ფუნდამენტური სტანდარტების დაცვა.

„ნამდვილად მაღალი იყო ამ არჩევნებზე აქტივობა, ეს არის იმის დემონსტრირება, რომ ქართველები მხარს უჭერენ დემოკრატიას, ერთგული არიან დემოკრატიული პროცესის მიმართ. თუმცა, ასევე ნათელია, რომ წინასაარჩევნო პერიოდმა ვერ მოახერხა დემოკრატიის ფუნდამენტური სტანდარტების დაცვა. სახელმწიფოს მიერ მიმართული ძალისხმევა, რომ ძირი გამოეთხარა, ხელი შეეშალა სადამკვირვებლო მისიებისთვის, დაკვირვების პროცესისთვის, ასევე კანონების მოცემა, რომელიც სამოქალაქო საზოგადოების წინააღმდეგ იყო მიმართული, მუქარები, დაშინება როგორც წინასაარჩევნო პერიოდში, ასევე არჩევნების დღეს, ეს ყველაფერი ძირს უთხრიდა მთელი პროცესის სამართლიანობას“, - განაცხადა პერ ეკლუნდმა.

მისი განმარტებით, არჩევნებზე NDI-ის დამკვირვებლებმა მნიშვნელოვანი და სერიოზული დარღვევები გამოავლინეს.

„NDI-ის დამკვირვებლების თანახმად, რომლებიც საქართველოს 10 სხვადასხვა რეგიონში მუშაობდნენ, ხმის მიცემა ძირითადად, კანონის შესაბამისად მიმდინარეობდა, თუმცა, დამკვირვებელთა ჯგუფებმა მნიშვნელოვანი და სერიოზული დარღვევები დააფიქსირეს, მათ შორის იყო ძალადობა, ბიულეტენების ჩაყრა“, - განაცხადა პერ ეკლუნდმა.