29 ოქტომბერს, საფრანგეთის დედაქალაქ პარიზში, მხატვრული შემოქმედების 31-ე საერთაშორისო კონკურს-ფესტივალზე "LES ETOILES DE PARIS 2024", მარნეულის კულტურის ცენტრის სოლისტმა, შაბან მამედოვმა სოლო კატეგორიაში უმაღლესი ჯილდო - გრან-პრი მოიპოვა. ამის შესახებ ინფორმაციას მარნეულის მერია ავრცელებს.

მარნეულის მუნიციპალიტეტის ადგილობრივი თვითმმართველობა ულოცავს მომღერალს მიღწეულ წარმატებას.

„შაბანის წარმატება საერთაშორისო კონკურსზე მნიშვნელოვანია არა მხოლოდ მისი პიროვნული მიღწევის გამო, არამედ მარნეულის მუნიციპალიტეტის და რეგიონის კულტურული სახის წარმოჩენისთვისაც. მსგავსი მიღწევები ასახავს ადგილობრივი კულტურის სიმდიდრეს და ქმნის შესაძლებლობებს, რაც ხელს უწყობს ნიჭიერი ადამიანების საერთაშორისო დონეზე გამოჩენას. ვულოცავ კიდევ ერთხელ შაბან მამედოვს მორიგ გამარჯვებას და მომავალშიც უამრავ წარმატებას ვუსურვებ!" , - ნათქვამია მარნეულის მუნიციპალიტეტის მერის, კენან ომაროვის განცხადებაში.