ისრაელი აცხადებს, რომ ჯარებმა გაანადგურეს იარაღის საწყობები, წარმოების ობიექტები ცენტრალურ და ჩრდილოეთ ღაზაში ჩრდილოეთ ღაზაში ისრაელის შეტევა გრძელდება და ისრაელის თავდაცვის ძალები აცხადებენ, რომ ჯაბალიაში ბრძოლები მიმდინარეობს, - ინფორმაციას The Times of Israel-ი ავრცელებს.

თავდაცვის ძალების ცნობით, ჩრდილოეთ ღაზაში ტერორისტები ათობით ობიექტსა და იარაღის საწყობს დაარტყეს. ღაზას ცენტრალურ ნაწილში კი, მათმა ჯარებმა გაანადგურეს ადგილი, სადაც საბრძოლო მასალის წარმოება ხდებოდა.

ამასთან, ისრაელის თავდაცვის ძალებში აცხადებენ, რომ დასავლეთ სანაპიროზე, ნურ შამსში კონტრტერორისტულ რეიდს ახორციელებენ შეიარაღებული პირების წინააღმდეგ, რომლებმაც ჯარებს ცეცხლი გაუხსნეს.

მათივე განმარტებით, ოპერაციაში მონაწილეობენ არმიის ძალები, შინ ბეტი და პოლიცია.

ისრაელის თავდაცვის ძალების ცნობით, ოპერაცია მას შემდეგ დაიწყო, რაც ისრაელელმა სამხედროებმა დასავლეთ სანაპიროზე ქალაქ ტულკარემში ჰუსამ ალ-მალაჰის ლიკვიდაცია განახორციელეს, რომელიც „ჰამასის“ ცნობილი წევრი იყო და ტერორისტულ თავდასხმებს გეგმავდა.