უკრაინელებმა რუსების მიერ გაშვებული 39 დრონი ჩამოაგდეს, - ამის შესახებ ინფორმაციას უკრაინის საჰაერო ძალები ავრცელებს.

უკრაინის საჰაერო ძალების ცნობით, თავდაცვის ძალებმა კიროვოგრადის, კიევის, სუმისა და პოლტავის ოლქებში რუსული ძალების მიერ გაშვებული 39 დრონი ჩამოაგდეს, 21 დრონი გაუჩინარდა, ხოლო 5 რუსეთის მიმართულებით გაფრინდა.

უკრაინის საჰაერო ძალების ინფორმაციით, სულ, რუსულმა ძალებმა უკრაინის მიმართულებით Х-31-ის ტიპის მართვადი რაკეტა და 71 დრონი გაუშვეს.

უკრაინის პრეზიდენტის, ვოლოდიმირ ზელენსკის განცხადებით, რუსული დრონების თავდასხმების შედეგად, კიევის რაიონებში, ასევე, პოლტავის, სუმისა და ხარკოვის ოლქებში შენობები დაზიანდა.