უკრაინელებმა წუხელ ყველა დრონი ჩამოაგდეს, რომლითაც რუსებმა ქვეყნის ტერიტორიას შეუტიეს, - ინფორმაციას ადგილობრივი მედია კიევის საქალაქო-სამხედრო ადმინისტრაციაზე დაყრდნობით ავრცელებს.

მათივე ინფორმაციით, მტერმა უკვე ნაცნობი ტაქტიკა გამოიყენა.

”მაგრამ ისევ ვერ მიაღწია მიზანს - ჩვენმა თავდაცვის ძალებმა ყველა ღონე იხმარეს იმისთვის, რომ მტრის ყველა უპილოტო საფრენი აპარატი განეიტრალებულიყო“, - აღნიშნა ადმინისტრაციის ხელმძღვანელმა, სერგეი პოპკომ.

ამასთან, მისი თქმით, დედაქალაქის ობოლონსკის და დესნიანსკის რაიონებში, ღია ადგილებში დრონების ნამსხვრევების ჩამოვარდნა დაფიქსირდა, რამაც ხანძრები გამოიწვია.

თავდასხმის შედეგად არავინ დაღუპულა ან დაშავებულა.