პაკისტანში სროლის შედეგად, ჩინეთის ორი მოქალაქე დაშავდა, - ამის შესახებ ინფორმაციას სააგენტო Reuters-ი ადგილობრივ პოლიციაზე დაყრდნობით ავრცელებს.

პოლიციის უფროსის, ფაიზან ალის ცნობით, შემთხვევა პაკისტანის ქალაქ კარაჩიში მოხდა.

კარაჩის Liaquat-ის ეროვნული საავადმყოფოს სპიკერის განცხადებით, დაშავებულთაგან ერთის მდგომარეობა მძიმეა.

ცნობისთვის, გასულ თვეში კარაჩის საერთაშორისო აეროპორტის მახლობლად აფეთქებას ჩინეთის ორი მოქალაქე ემსხვერპლა. მაშინ თავდასხმაზე პასუხისმგებლობა „ბელუჯის განმათავისუფლებელმა არმიამ“ აიღო.