ღაზის სექტორიდან 100-ზე მეტი პაციენტის ევაკუაცია განხორციელდება, - ამის შესახებ ჯანდაცვის მსოფლიო ორგანიზაციის წარმომადგენელმა, რიკ პიპერკორნმა განაცხადა.

„ეს საგანგებო ზომებია. ჩვენ არაერთხელ მოვითხოვეთ მუდმივი სამედიცინო ევაკუაცია ღაზის ფარგლებს გარეთ“, - განაცხადა ჯანდაცვის მსოფლიო ორგანიზაციის წარმომადგენელმა.

მისივე თქმით, პაციენტებს შორის ბავშვებიც არიან და დამატებით ევაკუაციას 12 000 ადამიანი ელოდება.

რიკ პიპერკორნმა აღნიშნა, რომ პაციენტებს კერომ შალომის გადასასვლელით ისრაელში გადაიყვანენ, შემდეგ ნაწილი არაბთა გაერთიანებულ საამიროებში გაფრინდება, ნაწილი კი რუმინეთში.