აშშ-ის ისტორიაში უდიდესი პოლიტიკური დაბრუნების მოწმეები გავხდით, - ამის შესახებ აშშ-ის მომავალმა ვიცე-პრეზიდენტმა, ჯეი დი ვენსმა აშშ-ის საპრეზიდენტო არჩევნებში გამარჯვების შემდეგ ფლორიდაში შეკრებილ მხარდამჭერებს განუცხადა.

„ვფიქრობ, ჩვენ ახლახან ამერიკის შეერთებული შტატების ისტორიაში უდიდესი პოლიტიკური დაბრუნების მოწმეები გავხდით“, - განაცხადა ჯეი დი ვენსმა.

ვენსმა დონალდ ტრამპს ნდობისთვის მადლობა გადაუხადა და აღნიშნა, რომ მასთან ერთად „ამერიკის ისტორიაში ყველაზე დიდებულ ეკონომიკურ დაბრუნებას უხელმძღვანელებს“.

ცნობისთვის, სენატორი ჯეი დი ვენსი აშშ-ის 50-ე ვიცე-პრეზიდენტი იქნება.