საბურთალოს საოლქო საარჩევნო კომისიასთან, სადაც პოლიტიკოსები და მოქალაქეები სხდომაზე დასწრებას ითხოვდნენ, პროტესტი დასრულდა. ადგილზე კვლავ რჩებიან სამართლადამცველები.

როგორც, ერთ-ერთმა აქტივისტმა განაცხადა, კომისიის წევრები “გვერდითა შესასვლელიდან გაიპარნენ”.

მოქალაქეების თქმით, არ აპირებენ “მოპარულ არჩევნებს შეეგუონ”.

“ჩვენ დავიბრუნებთ სამშობლოს”,- განაცხადეს მათ.

მოქალაქეები საოლქო კომისიასთან იმისათვის მივიდნენ, რომ კიდევ ერთხელ გაეპროტესტებინათ არჩევნების შედეგები.

დღეს საქართველოს მასშტაბით ყველა საოლქო კომისიაში სხდომაა ჩანიშნული, სადაც არჩევნებთან დაკავშირებით შემაჯამებელი ოქმები უნდა დაიწეროს.