რუსებმა უკრაინას რაკეტებით და 110 დრონით შეუტიეს, უკრაინის საჰაერო თავდაცვამ 46 დრონი გაანადგურა, 60 - ლოკაციურად დაიკარგა, 2 კი - ბელარუსში გაფრინდა, - ინფორმაციას უკრიანული მედია ქვეყნის საჰაერო ძალებზე დაუყრდნობით ავრცელებს.

„მტერმა ხარკოვს С-300 ტიპის საზენიტო მართვადი რაკეტით რუსეთის ფედერაციის ბელგოროდის ოლქიდან შეუტია, X-59/69 ტიპის ორი მართვადი რაკეტით კი რუსეთის ფედერაციის ჩერნიგოვის ოლქიდან სუმის და ხარკოვის რეგიონებს დაესხა თავს, კურსკის, პრიმორსკო-ახტარსკის და ბრიანსკის ტერიტორიებიდან კი 110 უპილოტო საფრენ აპარატი გაუშვა“, - აცხადებენ უკრაინის საჰაერო ძალებში.

მათივე ინფორმაცით, საჰაერო თავდაცვა მუშაობდა კიევის, ჟიტომირის, პოლტავას, სუმის, ხარკოვის, ჩერკასის, ზაპოროჟიეს, ჩერნიგოვის, დნეპროპეტროვსკის და ნიკოლაევის ოლქებში.

საჰაერო შეტევა მოიგერიეს საზენიტო-სარაკეტო ძალებმა, ავიაციამ, ელექტრონული ბრძოლის ქვედანაყოფებმა, საჰაერო ძალების და უკრაინის თავდაცვის ძალების მობილურმა საცეცხლე ჯგუფებმა.