ლაქა, რომელსაც კალანდარიშვილი შუბლზე ატარებს, არის ტყუილის ლაქა, რომელიც უძრავია და მის შუბლზე რჩება, - ამის შესახებ საქართველოს პრეზიდენტის ძმამ, ოთარ ზურაბიშვილმა „ინტერპრესნიუსს“ საკანონმდებლო ორგანოსთან მიმდინარე აქციაზე განუცხადა.

მისივე თქმით, ცესკომ გუშინ “ტყუილი და გაყალბება” შეაჯამა.

“ცესკო-ს შეჯამება არის ტყუილის და გაყალბების შეჯამება. ლაქა, რომელსაც გიორგი კალანდარიშვილი შუბლზე ატარებს, არის ტყუილის ლაქა, რომელიც უძრავია და მის შუბლზე რჩება. ასეთი ლაქა აქვთ იმათ, ვინც არჩევნების დამკვეთია - ივანიშვილი და კობახიძე. ისინი ატარებენ ხალხის წინაშე იმ ლაქას, რომელიც მუდმივია, ეს არის პოლიტიკური, მუდმივი ლაქა”, - აღნიშნა ზურაბიშვილმა.