რუსეთის არმიამ ოდესაზე სარაკეტო შეტევა განახორციელა, რის შედეგადაც 8 მშვიდობიანი მოქალაქე დაიღუპა, - ინფორმაციას უკრაინული მედია ოდესის საოლქო-სახელმწიფო ადმინისტრაციის ხელმძღვანელზე, ოლეგ კიპერზე დაყრდნობით ავრცელებს.

წინასწარი ინფორმაციით, რუსული თავდასხმის შედეგად დაიღუპა 8 ადამიანი და დაშავდა - 18. დაშავებულებს შორის ერთი ბავშვია. ოთხი დაშავებულის მდგომარეობა მძიმეა.

უკრაინის შეიარაღებული ძალების საჰაერო ძალების განცხადებით, რუსებმა ოდესაში ბალისტიკური რაკეტა გაუშვეს.