მთავარია, ვიყოთ მტკიცედ, ვიყოთ ისეთივე მართლები, როგორებიც ვართ დღემდე და ვერანაირი ძალა, ვერანაირი რობოკოპი, ვერანაირი წყლის ჭავლი ჩვენს ნებას, ვიყოთ თავისუფალი სახელმწიფოს მოქალაქეები, ვერ ჩაახშობს, - ასე მიმართა "კოალიცია ცვლილებისთვის" ლიდერმა ნიკა მელიამ აქციის მონაწილეებს, რომლებმაც ღამე ჭავჭავაზის გამზირზე გაათენეს.

მელიას თქმით, "დიდი მიზნები დიდი ძალისხმევის გარეშე არ მიიღწევა და დღეს დიდი მიზნების მიღწევის გზაზე ვდგავართ".

"მთავარია, ვიყოთ მტკიცედ, ვიყოთ ისეთივე მართლები, როგორებიც ვართ დღემდე და ვერანაირი ძალა, ვერანაირი რობოკოპი, ვერანაირი წყლის ჭავლი ჩვენს ნებას, ვიყოთ თავისუფალი სახელმწიფოს მოქალაქეები, ვერ ჩაახშობს. ეს მოჯადოებული წრე რუსული ოლიგარქის, მის მიერ აღმართული ეს ჯებირები აუცილებლად ერთობით, სიმტკიცითა და ისტორიის წინაშე მყოფი მართალი ადამიანების დიდი ძალისხმევით გაირღვევა. დიდი მიზნები დიდი ძალისხმევის გარეშე არ მიიღწევა და ჩვენ ამ დიდი მიზნების მიღწევის გზაზე ვდგავართ და დღევანდელი დღე ერთ-ერთი მნიშვნელოვანი ასეთი დღეა, ამიტომ გამარჯვება მთელ საქართველოს! დილა მშვიდობისა, საქართველო", - მიმართა აქციის მონაწილეებს ნიკა მელიამ.