ემანუელ მაკრონმა საფრანგეთში დაგეგმილ ხელოვნური ინტელექტის შესახებ სამიტზე დონალდ ტრამპი და ილონ მასკი მიიწვია, - ამის შესახებ ინფორმაციას ფრანგული გამოცემა Le Figaro საფრანგეთის პრეზიდენტზე დაყრდნობით ავრცელებს.

„მე ჩინეთი, აშშ და სხვა ქვეყნები უკვე მოვიწვიე. ასევე, მონაწილეობა ინდოეთის პრემიერ-მინისტრმა, ნარენდრა მოდიმაც დაადასტურა“, - განაცხადა ემანუელ მაკრონმა.

მისივე თქმით, ილონ მასკი, როგორც „ამ საკითხებში ჩართული ერთ-ერთი მსხვილი მეწარმეც“ მიწვეული იქნება.

ხელოვნური ინტელექტის შესახებ სამიტი საფრანგეთში 10-11 თებერვალს გაიმართება.