რუმინეთში საპრეზიდენტო არჩევნების პირველ ტური მიმდინარეობს, - ინფორმაციას „ევრონიუსი“ ავრცელებს.

გამოცემის ცნობით, პირველ ტურში სახელმწიფოს მეთაურის პოსტისთვის 13 კანდიდატი იბრძვის. მეორე ტური, სავარაუდოდ, 8 დეკემბერს გაიმართება.

გამოკითხვების თანახმად, საპრეზიდენტო არჩევნებში პრემიერ-მინისტრი მარსელ ჩიოლაკუ ლიდერობს, რომელსაც მხარს უჭერს რუმინეთის უდიდესი „სოციალ-დემოკრატების“ პარტია. გამარჯვების შანსი ასევე აქვს ოპოზიციური პარტიის, "ალიანსი რუმინელთა გაერთიანებისთვის" ლიდერს, ჯორჯ სიმიონს.

გარდა ამისა, ხმის მიცემა საზღვარგარეთ განთავსებულ საარჩევნო უბნებზე პარასკევს დაიწყო. შაბათის მდგომარეობით, მასში მონაწილეობა რუმინეთის 100 000-ზე მეტმა მოქალაქემ მიიღო.

რუმინეთის პრეზიდენტს 5 წლის ვადით ირჩევენ და აქვს მნიშვნელოვანი გადაწყვეტილების მიღების უფლებამოსილება ისეთ სფეროებში, როგორიცაა ეროვნული უსაფრთხოება და საგარეო პოლიტიკა.

ქვეყნის მასშტაბით, 19 ათასამდე საარჩევნო უბანი ადგილობრივი დროით 07:00 საათზე გაიხსნა და 21:00 საათზე დაიხურება.