ბრაზილიაში ავტობუსის კლდიდან გადავარდნის შედეგად, 17 ადამიანი დაიღუპა, - ამის შესახებ ინფორმაციას სააგენტოReuters-ი ბრაზილიის ალაგოასის შტატის ადგილობრივ ხელისუფლებაზე დაყრდნობით ავრცელებს.

ალაგოასის შტატის გუბერნატორის, პაოლო დანტასის ცნობით, შემთხვევის შემდეგ 29 ადამიანის გადარჩენა მოხერხდა.

ბრაზილიის პრეზიდენტმა, ლუის ინასიო ლულა და სილვამ განაცხადა, რომ ფედერალური მთავრობა სიტუაციას აკვირდება და შტატის ხელისუფლების დასახმარებლად მზადყოფნა გამოთქვა.

ადგილობრივი მედიის ინფორმაციით, ავტობუსი, რომელიც კლდიდან გადავარდა, ბრაზილიის ჩრდილო-აღმოსავლეთში გადაადგილდებოდა.