ისრაელმა ლიბანს მიყენებული ზარალი უნდა აუნაზღაუროს, - ამის შესახებ განცხადებას თურქეთის საგარეო საქმეთა სამინისტრო ავრცელებს.­

„საერთაშორისო თანამეგობრობამ ისრაელზე ზეწოლა უნდა მოახდინოს, რათა მან ცეცხლის შეწყვეტის შეთანხმების პირობები სრულად შეასრულოს და ლიბანს მიყენებული ზარალი აუნაზღაუროს“, - ნათქვამია განცხადებაში.

თურქეთის საგარეო საქმეთა სამინისტროში განაცხადეს, რომ ლიბანის შემდეგ ცეცხლის შეწყვეტის შეთანხმება ღაზაშიც მალე უნდა გამოცხადდეს.

შეგახსენებთ, ისრაელსა და „ჰეზბოლას“ შორის ლიბანში ცეცხლის შეწყვეტის შეთანხმება დღეს, ადგილობრივი დროით, 04:00 საათიდან ძალაში შევიდა.