თავისუფლების მოედანზე მყოფი სპეცდანიშნულების რაზმი, რომელიც ცოტა ხნის წინ პარლამენტისკენ დაიძრა, უკვე საკანონმდებლო ორგანოსთან, რუსთაველის გამზირზე განლაგდა.

თავის მხრივ, აქციის მონაწილეებმა პარლამენტის მიმდებარედ ჯებირები აღმართეს, რათა სპეცრაზმის გადაადგილებისთვის ხელი შეეშალათ, თუმცა სპეციალური დანიშნულების რაზმის წარმომადგენლებმა რუსთაველის გამზირი მომიტინგეების მიერ მიტანილი ნივთებისგან გაწმინდეს.

ადგილზე ამ დრომდე დაძაბული ვითარებაა. პარლამენტის მიმდებარედ პერიოდულად უშვებენ ცრემლსადენ გაზს, ისვრიან გაზის კაფსულებს. მანამდე საპოლიციო ძალებმა არაერთხელ გამოიყენეს წყლის ჭავლი.