ფილარმონიასთან, კოსტავას ქუჩაზე მოძრაობა აღდგა. აქამდე აღნიშნულ მონაკვეთზე საპოლიციო ძალები იყვნენ განლაგებული.

ამ დრომდე გადაკეტილია რუსთაველის გამზირი, თუმცა ის მომიტინგეებისგან სრულად გაწმენდილია.

რუსთაველის გამზირსა და მიმდებარე ტერიტორიაზე კვლავ რჩებიან საპოლიციო ძალების ნაწილი, ნაწილმა კი ტერიტორია უკვე დატოვა.

თავად აქციის მონაწილეები ამ დროისთვის მეტროსადგურ „რუსთაველის“ მიმდებარედ რჩებიან.