რუსთავში რამდენიმე, მათ შორის, მე-4, 21-ე, 22-ე და 24-ე სკოლების მოსწავლეთა ნაწილი გაიფიცა და ქალაქის მერიის შენობამდე მსვლელობას მართავს.

მოსწავლეებს თან აქვთ საქართველოსა და ევროკავშირის დროშები, ასევე, ბანერები სხვადასხვა წარწერით. უფრო კონკრეტულად პლაკატებზე ვხედავთ შემდეგ წარწერას - „ქართული განათლება საფრთხეშია“.

ისინი სკანდირებენ - „არა რუსულ რეჟიმს!“, „საქართველო“, „გამოდით!“

„ყველა ერთად გამოვედით და ყველა ერთად ვართ. მარში გვაქვს. გვინდა, რომ ყველა გამოვიდეთ, ყველა წავალთ ევროპისკენ“,- აცხადებს საპროტესტო მსვლელობის ერთ-ერთი მონაწილე.