სომხეთი თავს კოლექტიური უსაფრთხოების ხელშეკრულების ორგანიზაციის მიღმა თვლის, ორგანიზაციაში დაბრუნება აღარ არის ­შესაძლებელი, - ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა.

„რაც შეეხება (ყაზახეთში ОДКБ-ის სამიტზე მიღებულ) დოკუმენტებს, ჩვენ განვაცხადეთ, რომ ვყინავთ ОДКБ-ის მუშაობაში მონაწილეობას, რაც ნიშნავს, რომ არ ვმონაწილეობთ დოკუმენტების შემუშავებაში ან განხილვაში, არ ვაყენებთ რაიმე წინადადებებს, ჩვენ უბრალოდ არ ვიყენებთ ვეტოს. ფაქტობრივად, ჩვენ უკვე თავს ОДКБ-ის გარეთ ვთვლით. დაე, გადაწყვიტონ რაც უნდათ. არ ვერევით მათ საქმეებში და არ ვამტკიცებთ, რომ აქ ჩვენ დე იურე გვაქვს ვეტოს უფლება“, -აღნიშნა ფაშინიანმა.

მისი თქმით, ОДКБ-სთან დაკავშირებული სიტუაციის შესახებ სომხეთისა და რუსეთის აღქმაში არსებული განსხვავება და მათი საჯარო გამოთქმა უკვე სულ უფრო მეტად ართულებს, შეუძლებელს თუ არ ხდის, სომხეთისთვის ორგანიზაციაში დაბრუნებას.

„მიმაჩნია, რომ ამ საკითხში ჩვენ გადავკვეთეთ დაუბრუნებლობის წერტილი“, - განაცხადა სომხეთის პრემიერ-მინისტრმა.