ვოლოდიმირ ზელენსკი პარიზში ჩავიდა, - ამის შესახებ ინფორმაციას უკრაინული მედია ავრცელებს.

უკრაინის პრეზიდენტი, ვოლოდიმირ ზელენსკი პარიზის ღვთისმშობლის ტაძრის გახსნის ცერემონიას დაესწრება, იქამდე კი ფრანგ კოლეგას, ემანუელ მაკრონს შეხვდება.

პარიზში იმყოფება აშშ-ის არჩეული პრეზიდენტი, დონალდ ტრამპიც.

მედიაში გავრცელებული ინფორმაციით, დონალდ ტრამპი შესაძლოა, ვოლოდიმირ ზელენსკის შეხვდეს, თუმცა მხარეებს ინფორმაცია ოფიციალურად არ დაუდასტურებიათ.

დღეს საღამოს, ხუთი წლის წინ გაჩენილი ხანძრის შემდეგ რესტავრირებული ნოტრ-დამის გახსნის ცერემონიას 40-მდე ქვეყნის მთავრობის ლიდერი დაესწრება.