დონალდ ტუსკი - სირიაში განვითარებული მოვლენების შედეგად მსოფლიომ კიდევ ერთხელ გააცნობიერა, რომ ყველაზე სასტიკი რეჟიმიც კი შეიძლება დაემხოს და რუსეთის და მისი მოკავშირეების დამარცხება შესაძლებელია
პოლონეთის პრემიერ-მინისტრი, დონალდ ტუსკი სირიაში განვითარებული მოვლენებს ეხმაურება და აცხადებს, რომ მსოფლიომ კიდევ ერთხელ გააცნობიერა, რომ ყველაზე სასტიკი რეჟიმის დამხობა და რუსეთის და მისი მოკავშირეების დამარცხება შესაძლებელია.
„სირიაში განვითარებული მოვლენების შედეგად მსოფლიომ კიდევ ერთხელ გააცნობიერა, ან უნდა გააცნობიეროს, რომ ყველაზე სასტიკი რეჟიმიც კი შეიძლება დაემხოს და რომ რუსეთის და მისი მოკავშირეების დამარცხება შესაძლებელია“, - წერს ტუსკი სოციალურ პლატფორმა X-ზე.
შეგახსენებთ, სირიაში ბაშარ ალ-ასადის რეჟიმი დაემხო. რუსეთის საგარეო საქმეთა სამინისტროს ინფორმაციით, ბაშარ ალ-ასადმა პრეზიდენტის პოსტიდან გადადგომის გადაწყვეტილება მიიღო და ქვეყანა დატოვა.
