ამ მომენტს რვა წელი ველოდი, რათა სიმართლე მეთქვა, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ კორუფციისა და თაღლითობის საქმეზე მის წინააღმდეგ მიმდინარე სასამართლო პროცესზე განაცხადა.

„მაგრამ მე, ასევე, პრემიერ-მინისტრი ვარ. ქვეყანას შვიდ ფრონტზე მიმდინარე ომში ვმართავ და ვფიქრობ, რომ ამ ორი ამოცანის პარალელურად გადაჭრა შესაძლებელია“, - განაცხადა ბენიამინ ნეთანიაჰუმ.

ბენიამინ ნეთანიაჰუმ კორუფციის საქმეზე სასამართლოს მოწმის სახით ჩვენება პირველად მისცა.

ცნობისთვის, ისრაელის პრემიერ-მინისტრს ქრთამის აღებისა და თაღლითობისთვის ბრალი 2019 წელს წაუყენეს. ისრაელში სასამართლო პროცესი 2020 წელს დაიწყო. ბენიამინ ნეთანიაჰუ ბრალდებებს უარყოფს და თავს უდანაშაულოდ ცნობს.