რუსეთის საოკუპაციო ძალებმა ექსპერიმენტული საშუალო რადიუსის ბალისტიკური რაკეტა „ორეშნიკი“ უკრაინაზე დასარტყმელად, შესაძლოა, კიდევ გამოიყენონ, - ამის შესახებ პენტაგონის პრესსპიკერის მოადგილემ, საბრინა სინგმა ბრიფინგზე განაცხადა.

„პუტინმა საჯაროდ განაცხადა, რომ რუსეთი აპირებს კიდევ ერთი ექსპერიმენტული „ორეშნიკის“ რაკეტის გაშვებას. შესაძლებელია, რომ რუსეთმა ამის გაკეთება უახლოეს დღეებში შეძლოს. ზუსტი თარიღი არ მაქვს“, - აღნიშნა პენტაგონის წარმომადგენელმა.

მისი თქმით, აღნიშნული რაკეტის უკრაინის წინააღმდეგ გამოყენება ბრძოლის ველზე ვითარებას არ შეცვლის.

„ვფიქრობ, მნიშვნელოვანია აღინიშნოს, რომ თუ რუსეთი აირჩევს ამ ტიპის რაკეტების გაშვებას, ეს ბრძოლის ველზე ვითარებას არ შეცვლის. ეს იქნება უკრაინაში ზიანისა და მსხვერპლის მიყენების კიდევ ერთი მცდელობა. იცით, ეს ადრეც გვინახავს. ისინი ცდილობენ გამოიყენონ ყველა იარაღი, რაც მათ არსენალში აქვთ უკრაინის დასაშინებლად. მაგრამ, რა თქმა უნდა, უკრაინას, შეერთებულ შტატებისგან, მსოფლიოს სხვა პარტნიორებთან ერთად, კვლავ ექნება ჩვენი მხარდაჭერა, რადგან ისინი, მოგეხსენებათ, ყოველდღე იბრძვიან ბრძოლის ველზე“, - აღნიშნა საბრინა სინგმა.