11 დეკემბერს საქართველოს მეცნიერებათა ეროვნული აკადემიის საერთო კრებამ აკადემიის საზოგადოებრივ მეცნიერებათა განყოფილების მიერ ჩატარებული კონკურსის შედეგად მიღებული რეკომენდაციის საფუძველზე, CIU-ს სამართლის ფაკულტეტის კონსტიტუციური დემოკრატიის სამეცნიერო-კვლევითი ინსტიტუტის ხელმძღვანელს, პროფესორ ბექა ქანთარიას სამართალმცოდნეობის დარგში სტიპენდია განუსაზღვრა.

ინფორმაციას CIU ავრცელებს.

მათივე ინფორმაციით, გადაწყვეტილება „საქართველოს მეცნიერებათა ეროვნული აკადემიის შესახებ“ საქართველოს კანონის მე-11 მუხლის შესაბამისად მიიღეს.

„საქართველოს მეცნიერებათა ეროვნული აკადემიის შესახებ“ საქართველოს კანონის მე-10 მუხლის მიხედვით, აკადემიის სტიპენდიატი შეიძლება გახდეს 50 წლამდე ასაკის საქართველოს მოქალაქე ხუთი წლის ვადით, დოქტორის აკადემიური ხარისხის ან მასთან გათანაბრებული სამეცნიერო ხარისხის მქონე პირი, რომელიც მაღალ მეცნიერულ დონეზე შესრულებული და სათანადოდ აღიარებული სამეცნიერო ნაშრომების ავტორია“,- ნათქვამია ინფორმაციაში.