სანქციების დაწესებით საქართველოს შიდა საქმეებში ჩარევის ნებისმიერი მცდელობა ჩვენთვის წითელ ხაზს წარმოადგენს, - ამის შესახებ სლოვაკეთის პრემიერ-მინისტრმა, რობერტ ფიცომ ევროპული საბჭოს პრეზიდენტს, ანტონიო კოსტას სატელეფონო საუბრისას განუცხადა.

„ჩვენი მოწოდებაა, რომ საქართველოში არსებული ვითარება ობიექტურად შეფასდეს. სანქციების დაწესებით საქართველოს შიდა საქმეებში ჩარევის ნებისმიერი მცდელობა ჩვენთვის წითელ ხაზს წარმოადგენს“, - განაცხადა რობერტ ფიცომ.

ასევე, აღინიშნება, რომ ანტონიო კოსტასთან სატელეფონო საუბრისას სლოვაკეთის პრემიერმა განაცხადა, რომ ევროპული საბჭოს მომავალ შეხვედრაზე ევროკავშირის წევრ ცალკეულ ქვეყნებში კანონის უზენაესობის მდგომარეობის შეფასებისას არსებული ორმაგი სტანდარტების საკითხს დააყენებს.

რობერტ ფიცოს თქმით, იგი ევროკავშირის შემდგომ გაფართოებას მხარს უჭერს.